Þriðjudagurinn, 10. janúar 2012, Starf Arna hafið- dagskrá fram á vor., Ernir hófu fundi aftur nú í kvöld í Hvammi og gekk fundurin frábærlega- eins og að öllu jöfnu. Almenn ánægja virtist vera í hópnum með nýja fundaraðstöðu okkar. Hér fyrir neðan, undir tenglinum "Meira" er starfsáætlunin okkar fram á vor. Meira |
Þriðjudagurinn, 13. desember 2011, Ernir komnir í jólafrí og breyttur fundarstaður. Minnum einnig á skil á jólapappír., Skátasveitin Ernir er nú komin í fundafrí þar til þriðjudaginn 10.janúar. Þó minnum við alla á Jólaleik Klakks nk. fimmtudagskvöld 15.desember á milli 17 og 19 uppi á Hömrum, en einnig að skila af sér jólapappírspeningum og/eða afgangs pappír- sem vonandi er sem minnstur. Fyrstu mánuði á nýju ári munum við funda á öðrum stað, í Hvammi, Hafnarstræti 49. Ætlum við að funda þar yfir myrkustu og snjóþyngstu mánuðina en færa okkur svo aftur uppá Hamra seinnihluta marsmánaðar, þegar bjart er orðið fram á kvöld og minni líkur á illviðrum og ófærð. Þannig verður næsti fundur Arna í Hvammi þriðjudaginn 10.janúar 2012 kl. 17.30. Að lokum óskum við ykkur öllu gleðilegra jóla og góðs nýs árs og þökkum fyrir liðið ár. Skáta- og jólakveðja, sv.foringjar Arna. |
Fimmtudagurinn, 1. desember 2011, Jólaútilega Arna á Hömrum um helgina, Jólaútilega á Hömrum 2.-4.des. 2011 Föstudagur 20.00 Mæting við afleggjaran að Hömrum 20.30 Komið í Skála, komið sér fyrir 21.30 Kvöldvaka 23.00 Kvöldkakó 24.00 KYRRÐ Laugardagur 08.00 FMFM 10.00 Stutt Gönguferð 12.00 Hádegisnasl 13.00 Frjáls útivera, sleðar og snjóþotur. 15.00 Kaffi 16.00 Köku- og/eða sælgætisgerð 19.00 Kvöldmatur 20.00 Glaumur glens og gaman. 23.00 Kvöldvaka 24.00 KYRRÐ Sunnudagur 09.00 (ca.) FMFM 10.00 Skáli þrifinn hátt og lágt 12.00 Skátar sóttir við skálann. Bannlisti Þar sem þetta er jólaútilega er hún með örlítið óhefðbundnu sniði og bannlistinn er takmarkaður. Koma má með flest það sem er á bannlista en við biðjum ykkur að gæta hófs í þeim málum og að bannlistavörur eiga ekki að sjást fyrr en eftir kvöldmat á laugardag. Útbúnaður Hlýr og skjólgóður fatnaður, snjóbuxur, úlpa, kuldagalli, hlý nærföt helst úr ull eða ullarblönduð. Ullarsokkar a.m.k 2-3 pör og a.m.k. ein peysa og buxur og Nærföt til skiptana. Húfa og vettlingar. Svefnpoki, dýna, snyrtidót þ.e. tannbursti, tannkrem, sápa, þvottapoki o.þ.h. Hitabrúsi Og svo auðvitað bakpoki eða taska undir allt saman. Gott að hafa með ef á: Áttaviti, kort, vasaljós, kíkir. Og svo auðvitað skátabúningur. Einnig er frjálst að koma með auka nesti í gönguferð. SVO ER ALVEG UM AÐ GERA AÐ KOMA MEÐ SNJÓÞOTUR/SLEÐA ÞAR SEM BÚAST MÁ VIÐ TALSVERÐUM SNJÓ :) Útilegugjald Útilegugjald er kr 2000 og innifalið í því er allur matur. Ef gjald hefur ekki verið greitt má hafa samband við Arnór (864-8417) og koma gjaldi til hans í seinasta lagi á fimmtudagskvöld (Grenivöllum 16). Foringjar Arnór Bliki Hallmundsson 864-8417 Árni Már Árnason 847-9327 Jóhann Malmquist 699-7546 |
Mánudagurinn, 10. október 2011, Ernir: Söguganga um Innbæinn á morgun 11.okt., Ernir hafa nú farið eina sveitarútilegu í Fálkafell, þar sem við dvöldum eina nótt með 7 skáta. Gekk útilegan bara vel, en það var vel blautt á okkur á leið uppeftir. En næsti fundur okkar verður ekki á Hömrum því nú bregðum við okkur niðrí Innbæ þar sem Arnór mun halda nokkur erindi um sögu húsanna og Innbæjarins. Mæting er við Hvamm, Hafnarstræti 49 klukkan 17:30 og sótt veður á sama stað klukkan 19:15. (Reiknum með aðeins rúmum fundartíma). Hvammur, sem er 116 ára gamall, var ein aðal miðstöð skátastarfs á Akureyri í nærri 40 ár. Munum við ganga fram Hafnarstrætið til baka um Aðalstræti og kíkja upp í Búðargil og væntanlega enda í hverfisverslun Innbæinga, Brynju. |
Fimmtudagurinn, 15. september 2011, Smáfólk í gönguferð, Þann 17.9. kl.10:30 ætlar drekaskátasveitin Smáfólk í gönguferð um Naustaborgir. Lagt er upp frá Hömrum. Gott er að hafa með sér létt nesti og jafnvel smá kakó á brúsa. Muna að vera klædd eftir veðri og ekki gleyma að það er betra að vera meira klæddur en minna. Skátarnir eru svo sóttir á bílastæði þar sem gönguleiðin um Naustaborgir byrjar kl.12:30. |
|
FRÉTTA
HORNIÐ
|
|
28.01.2012
|
|---|
|
Á DÖFINNI |
|
Ekkert skráð næsta mánuðinn
Sjá alla atburði
   |